Á allra vörum beinir kastljósinu að þessu sinni að málefni barna sem eru fædd með sjaldgæfa, alvarlega, ólæknandi sjúkdóma.  Stefnt er að því að safna fyrir rekstri hjálparmiðstöðvarinnar í 5 ár með sölu á „Á allra vörurm“ glossunum og stórri söfnun á RÚV þann 14. september n.k. Átakið stendur yfir frá 1. – 14. september 2012

Við, Gróa, Guðný og Elísabet, þökkum  íslensku þjóðinni fyrir frábæran stuðning í átakinu okkar þetta árið.  Með ykkar aðstoð náðum við að safna 40 milljónum sem allar renna til kaupa á nýju hjartaómtæki fyrir Barnaspítala Hringsins.  TAKK allir fyrir stuðninginn og þátttökuna.

Ríflega 40 milljónir króna  söfnuðust í átakinu „Á allra vörum“ 2011.  Söfnunarféð verður notað til að kaupa nýtt hjartaómskoðunartæki fyrir börn,  sem staðsett verður á Barnaspítala Hringsins. Tækið hefur verið nefnt „Hjörtur“, en sú tillaga kom fram með þessum orðum: „Megi Hjörtur bjarga mörgum litlum hjörtum“ - í beinni útsendingu á Skjá einum í gærkvöldi.  

Átakið hófst formlega 12. ágúst með sölu á hinum landsþekktu „Á allra vörum“ glossum frá Dior og lauk í gærkvöldi með söfnunarþætti á Skjá einum. Enn er hægt að leggja átakinu lið með því að hringja í símanúmerin 903 1000, 903 3000 og 903 5000.