Á morgun, föstudaginn 13. september á milli klukkan 9 og 18, fer fram stórskemmtilegt útvarpsmaraþon á Rás 2, til styrktar Á allra vörum.
Þar mun hlustendum gefast kostur á því að styrkja söfnunina með því að kaupa inn sín uppáhaldslög, nú eða kaupa út þau lög sem þeim hugnast ekki.
Fjöldinn allur af tónlistarfólki og skemmtikröftum mun mæta á svæðið og geta einstaklingar, félagasamtök eða fyrirtæki freistað þess að kaupa inn lög, flutt af þessum skemmtikröftum.
Allir hinir stórskemmtilegu starfsmenn Rásar 2 munu taka þátt í gleðinni og því lofum við ykkur frábærri skemmtun.
Söfnunarsíminn er 755 5000
En við minnum einnig á styrktarlínurnar 903 1000, 903 3000 og 903 5000
Fylgist með á Rás 2 á morgun.